/
ЦАГДААГИЙН ГАЗРЫН 1 ДҮГЭЭР УЛИРЛЫН “САХИЛГА, ЁС ЗҮЙН ЗӨВЛӨГӨӨН” ЗОХИОН БАЙГУУЛЛАА.
ЦАГДААГИЙН ГАЗРЫН 1 ДҮГЭЭР УЛИРЛЫН “САХИЛГА, ЁС ЗҮЙН ЗӨВЛӨГӨӨН” ЗОХИОН БАЙГУУЛЛАА.
Цагдаагийн газрын алба хаагчдын 2024 оны 1 дүгээр улиралын сахилга хариуцлага, зөрчлийн байдлыг хэлэлцүүлэн, үнэлэлт дүгнэлт өгөх, цаашид хэрэгжүүлэх ажил арга хэмжээг тодорхойлох төлөвлөх зорилгоор “Сахилга, ёс зүйн зөвлөгөөн”-ийг 2024 оны 04 дүгээр сарын 03-ны өдөр зохион байгууллаа.
Зөвлөгөөнөөр алба хаагчдын багаар ажиллах, илтгэх ур чадварыг нэмэгдүүлэх, шинэ, шинэлэг санал санаачилгыг дэмжих чиглэлээр цагдаагийн цол бүрийн төлөөллийг оролцуулсан хэлэлцүүлгийг зохион байгуулж хэлэлцүүлэгээс гарсан санал, санаачилгаар зөвлөмж боловсруулан хэрэгжилтийг ханган явцыг 2024 оны 2 дугаар улирлын зөвлөгөөнөөр хэлэлцэж, биелэлтийг тооцохоор шийдвэрлэлээ. Мөн алба хаагчдаас авсан санал асуулгаар цагдаагийн газрын хамгийн эртэч алба хаагчаар цагдаа жолооч, цагдаагийн ахлах ахлагч Т.Ууганбаяр, хөдөө орон нутагт тогтвор суурьшилтай, үр бүтээлтэй үлгэр жишээ ажиллаж байгаа алба хаагчаар хэсгийн дарга, цагдаагийн дэд хурандаа Б.Галсансанжаа нар шалгарсаныг “Талархал” дурсгалын зүйлээр урамшуулсан.
Зөвлөгөөний үеэр ЦЕГ-аас зохион байгуулж байгаа “АЛБА ХААГЧ-ТАНЫ ТӨЛӨӨ” аяны нээлтийг хийж аяны хүрээнд хэрэгжүүлэх ажлын төлөвлөгөө танилцуулсан.
