ГЭР БҮЛИЙН ХҮЧИРХИЙЛЛЭЭС УРЬДЧИЛАН СЭРГИЙЛЭХ ТУХАЙ ХУУЛИЙН ШИНЭЧИЛСЭН НАЙРУУЛЛАГААР СУРГАЛТ ЗОХИОН БАЙГУУЛЛАА
ЦЕГ-ын Хүний нөөц, сургалтын хэлтсийн дарга, цагдаагийн хурандаа Б.Бат-Өлзийгөөс 2017 оны 01 дүгээр сарын 24-ний өдрийн 3б/616 тоот албан бичгээр ирүүлсэн үүргийн хүрээнд тус цагдаагийн газрын алба хаагч нарт гэр бүлийн хүчирхийллийн тухай шинэчлэн батлагдсан хуулийг хэрэглэх ур чавдар эзэмшүүлэх, мэргэшүүлэх” сургалтыг үе шаттай зохион байгууллаа. Сургалтанд нийт 56 алба хаагч хамрагдсан бөгөөд тухайн алба хаагчдад “Гэр бүлийн хүчирхийллээс урьдчилан сэргийлэх тухай хуулийн шинэчилсэн найруулага”, “Гэр бүлийн хүчирхийллийн хохирогчид үзүүлэх тусламж үйлчилгээ”, “Гэр бүлийн хүчирхийллийн дуудлага мэдээллийг хүлээн авч шийдвэрлэх ажиллагаа”, “Гэр бүлийн хүчирхийлэлтэй тэмцэх тухай хуультай холбоотой нэмэлт өөрчлөлт орсон бусад хуулиуд”, Гэр бүлийн хүчирхийлэл үйлдэх гэмт хэргийг шалгаж шийдвэрлэхэд анхаарах асуудал” сэдвүүдээр сургалтыг зохион байгууллаа.