/
СУРГАЛТ ЗОХИОН БАЙГУУЛЛАА.
Тус цагдаагийн газрын Хэрэг бүртгэх тасгаас энэ оны 02 дугаар сарын 20-ний өдөр Эрүүлжүүлэх, саатуулах байранд шүүхийн шийдвэрээр баривчлагдсан 4 иргэнд “Хүний эрүүл мэндийн халдашгүй байдлын эсрэг гэмт хэрэг”-ээс урьдчилан сэргийлэх нь сэдвээр сургалт зохион байгуулж ажиллалаа.
Тус аймагт 2018 онд үйлдэгдсэн “Хүний эрүүл мэндийн халдашгүй байдлын эсрэг” гэмт хэргийн статистик мэдээг танилцуулж, энэ төрлийн гэмт хэргийн шалтгаан нөхцлийг бодит жишээгээр тайлбарлан таниулж, гэмт хэрэг, зөрчлөөс урьдчилан сэргийлэх чиглэлээр Монгол улсад гэмт хэргээс урьдчилан сэргийлэх ажлыг зохицуулах салбар зөвлөл, ЦЕГ, ХБА-аас хамтран бэлтгэн ирүүлсэн 8 төрлийн контент, шторкыг тус тус үзүүлж “Хүний эрүүл мэндийн халдашгүй байдлын эсрэг гэмт хэрэг”-ээс урьдчилан сэргийлэхийг сануулж сэрэмжлүүлэв.
Сургалтад хамрагдсан иргэдэд 2 төрлийн 8 ширхэг санамж сэрэмжлүүлэг тараасан болно.
